{"id":10650,"date":"2026-01-28T09:01:39","date_gmt":"2026-01-28T09:01:39","guid":{"rendered":"https:\/\/apkrks.net\/?p=10650"},"modified":"2026-01-28T09:14:04","modified_gmt":"2026-01-28T09:14:04","slug":"eshte-permbyllur-programi-pesevjecar-per-menaxhim-te-qendrueshem-te-pyjeve-i-zbatuar-nga-fao-me-financim-te-be-se-dhe-suedise","status":"publish","type":"post","link":"https:\/\/apkrks.net\/sr\/campaign\/eshte-permbyllur-programi-pesevjecar-per-menaxhim-te-qendrueshem-te-pyjeve-i-zbatuar-nga-fao-me-financim-te-be-se-dhe-suedise","title":{"rendered":"\u00cbsht\u00eb p\u00ebrmbyllur Programi Pes\u00ebvje\u00e7ar p\u00ebr Menaxhim t\u00eb Q\u00ebndruesh\u00ebm t\u00eb Pyjeve, i zbatuar nga FAO, me financim t\u00eb BE-s\u00eb dhe Suedis\u00eb"},"content":{"rendered":"

Janar 2026 \u2013 \u00cbsht\u00eb p\u00ebrmbyllur me sukses programi pes\u00ebvje\u00e7ar pyjor, q\u00eb synonte fuqizimin e
\nmenaxhimit t\u00eb q\u00ebndruesh\u00ebm dhe shum\u00ebq\u00ebllimor t\u00eb pyjeve, p\u00ebrmir\u00ebsimin e jetes\u00ebs n\u00eb zonat
\nrurale dhe adresimin e sfidave t\u00eb ndryshimeve klimatike.
\nProgrami u financua nga Bashkimi Evropian dhe Suedia dhe u zbatua nga Organizata e Kombeve
\nt\u00eb Bashkuara p\u00ebr Ushqim dhe Bujq\u00ebsi \u2013 FAO, n\u00eb bashk\u00ebpunim t\u00eb ngusht\u00eb me Ministrin\u00eb e
\nBujq\u00ebsis\u00eb, Pylltaris\u00eb dhe Zhvillimit Rural (MBPZhR) dhe Agjencin\u00eb Pyjore t\u00eb Kosov\u00ebs (APK).
\nGjat\u00eb pes\u00eb viteve t\u00eb zbatimit, programi ka pasur ndikim t\u00eb q\u00ebndruesh\u00ebm n\u00eb sektorin pyjor dhe
\nn\u00eb komunitetet lokale, duke mb\u00ebshtetur hartimin e politikave pyjore afatgjata, forcimin e
\nlegjislacionit pyjor dhe zbatimin e qasjeve inovative, p\u00ebrfshir\u00eb planifikimin e menaxhimit
\nshum\u00ebq\u00ebllimor t\u00eb pyjeve, q\u00eb balancon ruajtjen e pyjeve me shfryt\u00ebzimin e q\u00ebndruesh\u00ebm t\u00eb
\ntyre. Programi gjithashtu mund\u00ebsoi funksionalizimin e Sistemit Informativ Pyjor t\u00eb Kosov\u00ebs si
\nnj\u00eb platform\u00eb digjitale e integruar p\u00ebr vendimmarrje transparente dhe monitorim t\u00eb burimeve,
\nsi dhe kontribuoi n\u00eb ciklin e tret\u00eb t\u00eb Inventarit Komb\u00ebtar t\u00eb Pyjeve.
\nNgritja e kapaciteteve ishte nj\u00eb shtyll\u00eb qendrore e programit. Mbi 500 individ\u00eb, p\u00ebrfshir\u00eb
\nzyrtar\u00eb t\u00eb institucioneve qeveritare, p\u00ebrfaq\u00ebsues t\u00eb sektorit privat dhe komuniteteve lokale, u
\ntrajnuan p\u00ebr zbatimin e praktikave moderne t\u00eb pylltaris\u00eb, mbrojtjen dhe restaurimin e pyjeve,
\nparandalimin e zjarreve dhe luftimin e aktiviteteve ilegale. Qendra e rinovuar p\u00ebr Ngritjen e
\nKapaciteteve Pyjore n\u00eb Blinaj\u00eb tashm\u00eb sh\u00ebrben si nj\u00eb qend\u00ebr e p\u00ebrhershme p\u00ebr shk\u00ebmbim
\nnjohurish dhe zhvillim profesional n\u00eb sektorin pyjor t\u00eb Kosov\u00ebs.
\nN\u00eb kuad\u00ebr t\u00eb promovimit t\u00eb barazis\u00eb gjinore n\u00eb pylltari, programi zhvilloi nj\u00eb kurrikul\u00eb
\ntransformuese gjinore, duke pajisur profesionist\u00ebt me mjete praktike p\u00ebr integrimin e
\nperspektiv\u00ebs gjinore n\u00eb politika, programe dhe trajnime. Iniciativat e vet\u00ebdij\u00ebsimit t\u00eb publikut,
\np\u00ebrfshir\u00eb Kampet Pyjore dhe aktivitetet p\u00ebr sh\u00ebnimin e Dit\u00ebs Nd\u00ebrkomb\u00ebtare t\u00eb Pyjeve, p\u00ebr \u00e7do
\nvit angazhuan me sukses shum\u00eb nx\u00ebn\u00ebs, pjes\u00ebtar\u00eb t\u00eb komuniteteve lokale, p\u00ebrfaq\u00ebsues t\u00eb
\nmediave dhe partner\u00eb institucional\u00eb, p\u00ebr t\u00eb theksuar dhe promovuar r\u00ebnd\u00ebsin\u00eb e pyjeve p\u00ebr
\nmbrojtjen e mjedisit, biodiversitetin dhe zhvillimin rural n\u00eb Kosov\u00eb.
\nProgrami u p\u00ebrmbyll me nj\u00eb ceremoni festive n\u00eb Prishtin\u00eb, ku u mblodh\u00ebn partner\u00ebt kryesor\u00eb,
\ndonator\u00ebt dhe pal\u00ebt e interesit q\u00eb ishin pjes\u00eb e zbatimit t\u00eb programit.
\nDaniela Mangione, Koordinatore e Programit dhe Bart\u00ebse e Buxhetit n\u00eb FAO, p\u00ebrsh\u00ebndeti t\u00eb
\npranishmit dhe shprehu mir\u00ebnjohjen p\u00ebr institucionet e Kosov\u00ebs, donator\u00ebt, partner\u00ebt, si dhe
\nekipin e FAO-s, t\u00eb cil\u00ebt mund\u00ebsuan zbatimin e suksessh\u00ebm dhe arritjet e programit p\u00ebrgjat\u00eb
\npes\u00eb viteve,<\/p>\n

tha Mangione.
\nGjat\u00eb k\u00ebsaj ceremonie, p\u00ebrfaq\u00ebsues t\u00eb Bashkimit Evropian, Ambasad\u00ebs s\u00eb Suedis\u00eb, MBPZhR-s\u00eb,
\nAgjencis\u00eb Pyjore t\u00eb Kosov\u00ebs dhe FAO-s reflektuan mbi rezultatet e arritura dhe theksuan
\nr\u00ebnd\u00ebsin\u00eb e investimeve t\u00eb vazhdueshme n\u00eb menaxhimin e q\u00ebndruesh\u00ebm t\u00eb pyjeve.
\n\u201cP\u00ebrmes k\u00ebtij programi, r\u00ebnd\u00ebsia e pyjeve u shnd\u00ebrrua n\u00eb veprime konkrete, duke filluar nga
\nplanet e reja t\u00eb menaxhimit t\u00eb pyjeve, zhvillimin e zinxhirit t\u00eb vler\u00ebs s\u00eb produkteve jodrusore,
\np\u00ebrmir\u00ebsimin e legjislacionit, programet e trajnimit dhe pajisjet p\u00ebr aspekte operacionale.
\nThemelet tashm\u00eb jan\u00eb vendosur dhe investimi i vazhduesh\u00ebm n\u00eb resurse njer\u00ebzore dhe
\ninfrastruktur\u00eb \u00ebsht\u00eb thelb\u00ebsor p\u00ebr t\u00eb nd\u00ebrtuar mbi k\u00ebto rezultate\u201d, tha Eva Palatova, Shefe n\u00eb
\nDetyr\u00eb e Zyr\u00ebs s\u00eb BE-s\u00eb n\u00eb Kosov\u00eb.
\nAmbasadori i Suedis\u00eb n\u00eb Kosov\u00eb theksoi se programi u fokusua n\u00eb forcimin e institucioneve dhe
\nqeverisjes s\u00eb pyjeve, duke mb\u00ebshtetur praktika moderne t\u00eb pylltaris\u00eb q\u00eb shnd\u00ebrrojn\u00eb politikat
\nn\u00eb zbatim praktik. Ai n\u00ebnvizoi arritje ky\u00e7e, p\u00ebrfshir\u00eb hartimin e ligjit t\u00eb ri p\u00ebr pyjet dhe
\nlegjislacionit dyt\u00ebsor, trajnimin e stafit t\u00eb APK-s\u00eb p\u00ebr \u00e7\u00ebshtje ligjore pyjore, rishikimin dhe
\nvendosjen e Sistemit Informativ p\u00ebr Pyjet e Kosov\u00ebs n\u00eb Qendr\u00ebn Shtet\u00ebrore t\u00eb t\u00eb Dh\u00ebnave,
\nfinalizimin e planeve p\u00ebr menaxhimin shum\u00ebq\u00ebllimor t\u00eb pyjeve p\u00ebr kat\u00ebr nj\u00ebsi pilot, si dhe
\nfunksionalizimin e Qendr\u00ebs Trajnuese n\u00eb Blinaj\u00eb dhe organizimin e Kampeve Pyjore, e shum\u00eb t\u00eb
\ntjera.
\nMinistri n\u00eb detyr\u00eb i Bujq\u00ebsis\u00eb, Pylltaris\u00eb dhe Zhvillimit Rural, Imri Demelezi, fal\u00ebnderoi
\ndonator\u00ebt dhe FAO-n p\u00ebr mb\u00ebshtetjen e vazhdueshme ndaj zhvillimit t\u00eb sektorit pyjor n\u00eb
\nKosov\u00eb, duke theksuar p\u00ebrkushtimin e Qeveris\u00eb p\u00ebr menaxhim t\u00eb q\u00ebndruesh\u00ebm dhe t\u00eb
\np\u00ebrgjegjsh\u00ebm t\u00eb pyjeve.
\n\u201cAgjencia Pyjore e Kosov\u00ebs \u00ebsht\u00eb pajisur me mjete dhe teknologji moderne p\u00ebr mbrojtjen dhe
\nmonitorimin e pyjeve, p\u00ebrfshir\u00eb automjete terreni, dron\u00eb dhe pajisje GPS, duke forcuar
\nndjesh\u00ebm kapacitetet e monitorimit n\u00eb terren, siguris\u00eb dhe reagimit. Po ashtu, jan\u00eb themeluar
\ngjasht\u00eb nj\u00ebsi pilot emergjente p\u00ebr menaxhim t\u00eb integruar t\u00eb zjarreve pyjore n\u00eb mbar\u00eb Kosov\u00ebn,
\nduke p\u00ebrmir\u00ebsuar gatishm\u00ebrin\u00eb dhe koordinimin nd\u00ebrinstitucional\u201d, tha ai.
\nUshtruesi i detyr\u00ebs s\u00eb Shefit Ekzekutiv t\u00eb Agjencis\u00eb Pyjore t\u00eb Kosov\u00ebs, Menderes Ibra, theksoi se
\nprogrami ka sjell\u00eb p\u00ebrmir\u00ebsime konkrete n\u00eb nivel operacional, p\u00ebrfshir\u00eb pajisje moderne,
\nautomjete, dron\u00eb dhe trajnime t\u00eb specializuara p\u00ebr stafin profesional.
\nNd\u00ebrkaq, Ekrem Yazici, Zyrtar Kryesor Teknik n\u00eb FAO REU, fal\u00ebnderoi t\u00eb gjith\u00eb partner\u00ebt dhe
\ntheksoi r\u00ebnd\u00ebsin\u00eb e integrimit t\u00eb pylltaris\u00eb me sektor\u00eb t\u00eb tjer\u00eb zhvillimor\u00eb, duke th\u00ebn\u00eb:
\n\u201cSot sh\u00ebnojm\u00eb p\u00ebrmbylljen e nj\u00eb intervenimi pes\u00ebvje\u00e7ar q\u00eb ka hedhur themelet p\u00ebr menaxhim
\nt\u00eb q\u00ebndruesh\u00ebm dhe shum\u00ebq\u00ebllimor t\u00eb pyjeve n\u00eb Kosov\u00eb. Kjo ceremoni \u00ebsht\u00eb nj\u00eb mund\u00ebsi p\u00ebr
\nt\u00eb reflektuar mbi arritjet e programit, ndikimin e tij afatgjat\u00eb dhe trash\u00ebgimin\u00eb q\u00eb l\u00eb p\u00ebr
\nsektorin pyjor, komunitetet dhe institucionet.\u201d<\/p>\n

Ceremonia u p\u00ebrmbyll me nj\u00eb ekspozit\u00eb t\u00eb fotografive dhe t\u00eb ngjarjeve, p\u00ebrmes s\u00eb cilave u
\nprezantuan rezultatet kryesore t\u00eb arritura me mb\u00ebshtetjen e programit.<\/p>\n