Me kënaqësi ju njoftojmë se Drejtori Ekzekutiv i Agjencisë Pyjore të Kosovës, z. Fidan Dema, ka nënshkruar një Memorandum Bashkëpunimi me Agjencinë Kombëtare të Pyjeve të Shqipërisë. Ky memorandum shënon një hap të rëndësishëm për forcimin e bashkëpunimit ndërkombëtar për mbrojtjen e pasurisë natyrore dhe menaxhimin e resurseve pyjore mes dy shteteve tona.
Ky bashkëpunim do të mundësojë:
🔹 Përmirësimin e menaxhimit të pyjeve dhe forcimin e kapaciteteve për mbrojtjen e tyre.
🔹 Shkëmbimin e eksperiencave dhe praktikave më të mira për të përballuar sfidat e ndryshimeve klimatike dhe përputhshmërisë me objektivat e zhvillimit të qëndrueshëm.
🔹 Zgjerimin e bashkëpunimit bilateral në fushën e pyjeve, për të kontribuar në integrimin e Republikës së Shqipërisë dhe Republikës së Kosovës në Bashkimin Evropian.
Ky memorandum është një hap i rëndësishëm për mbrojtjen e natyrës dhe zhvillimin e qëndrueshëm në rajonin tonë.
